Election Commission of India ruahman angin National Electoral Roll Purification & Authentification Programme (NERPAP) campaign kal mek ah vawiin khan Chief Electoral Officer Manisha Saxena hovin ama Office Chamber ah meeting, NGOs leh mobile service provider te nen neih a ni a. NERPAP hian a tum ber chu Electoral Roll-a hming chuang double te an awmna tur dik tak zawka dah a, a dik lo zawk paih te, Roll-a hming / pa hming / address / kum leh thlalak chiang lo siamthat te, Electoral Roll database ah Aadhar number te, mobile number leh email address dah luh te a huam a ni. Hetianga Roll dik leh felfai kan neihna tur hian ECI chuan theihtawp chhuaha campaign ngawrh taka nei turin State tin te a beisei thu CEO chuan a sawifiah a ni.
NERPAP hi ram pumah ni 3.3.2015 khan hman tan a ni a, Mizoram ah pawh District tinah District Election Officer hovin hawnna neih a ni tawh bawk.
EPIC database-a Aadhar Number thun turin hetiang hian a tih theih a ni :-
1. Online-in National Voters Service Portal - http://nvsp.in/ atanga dah luh theih a ni.
2. 166 / 51969 -a ECILINK <EPIC_NumberXAadhar_Number> tih SMS thawnin.
3. Toll free No. 1950 ah bia-in.
4. Aadhar number leh EPIC no. form siam bik hmanga elction official hnena thehlutin.
5. Special Camp ah BLO hnena thehlutin.
Electoral Roll-a hmun khat aia tama hming awm hi dan bawhchhiatna a ni a, chutianga awm te chuan duh loh na zawka hming paih turin Form 7 hmangin dilna bialtu BLO/AERO/ERO hnenah thehluh tur a ni.
EPIC hi document pawimawh tak a ni a, hming, pa hming, pian kum emaw thil dang dik lo a awm chuan siamthat thuai a tul a, Form 8 hmangin siamthat dilna thehluh tur a ni.
EPIC-a thlalak fiah lo emaw hlui lutuk a nih chuan thlalak tha zawkin thlak theih a ni.
Aadhar Number neih ve leh internet/mobile SMS/Call Centre hmangin report theih a ni a, a remchan loh chuan bialtu BLO hnenah zawhfiah theih a ni.
Mahni emaw chhungte emaw Electoral Roll-a awm thei tur si awm lo an awm a nih chuan Form 6 hmangin dilna bialtu BLO/AERO/ERO hnenah thehluh theih reng a ni.
Electoral Roll dik leh felfai nei thei tur hian India khua leh tui tupawhin mawhphurhna kan nei a ni tih hriain khua leh tui tha mawhphurhna hlenchhuak turin mitinin ngaipawimawha zawm theuh turin CEO chuan a ngen a ni.
