Vawiin 31st October, 2014 hian DC’s Committee Room, Aizawl-ah Pu B. Lalhmingthanga, MCS Electoral Roll Observer, Aizawl District hovin Electoral Roll ennawn kalpui mek chungchangah meeting pawimawh tak neih a ni a. Meeting hi Dr. Franklin Laltinkhuma, District Bawrhsap, District Election Officers, Aizawl in a kaihruai a ni.
Pu B. Lalhmingthanga MCS, Electoral Roll Observer chuan India Danpui hnuaiah ram roreltu turte thlanna-ah a thlangtu tur dik tak ten an thlan theihna turin dik taka thiltih a tul thu a sawi a.Roll a thun theih loh thun palh ah emaw, thun ngei ngei tur thun loh palh awm thei a nih avangin mawhphurtu zawng zawngte fimkhur taka thawk turin a chah a ni.
Dr. Franklin Laltinkhuma District Election Officer, Aizawl District pawhin Roll ennawn kalpui mekah Tlawmngai Pawl hrang hrangte leh Political Party hrang hrangte pawh theihtawp chhuahpui turin a sawm bawk a ni.
He thutkhawmnaah hian Roll ennawm mekah harsatna awm thei sutkian dan te leh chinfel dan turte zawtin in hrilhfiah a ni bawk.
Draft Electoral Roll 2015 tarchhuah a a lan danin Aizawl District-ah hian voters 261724 awmin mipa 125411 leh hmeichhia 136313 an ni a, mipa aia hmeichhia an tamna chu 10902 a ni. Tin, Service Voters hi 1997 an awm bawk a ni. Aizawl District pumpuiah Roll a awmte EPIC 100 % siamsak ni tawh bawk. Aizawl District ah hian Roll buaipuitu Supervisors 31 leh Booth Level Officer (BLO) 323 an awm mek thu meeting ah hian tarlan a ni bawk.
He meeting-ah hian ERO, AERO te, Political Party hrang hrang aiawhte, Tlawmngai pawl hrang hrang Central YMA, MUP, MHIP te, Mizoram Journalist Association aiawhte leh MZP aiawhte bakah official te an tel tha hle a ni.
