NLUP Implementing Board (NIB)-a Chief Media Officer, Pu David Lalthangliana, MIS leh a ho ten Serchhip leh Thenzawl-a NLUP 1st Phase hlawhtlinpuitu te tlawhin anmahni kawmna hun an hmang.

NIB Media Team hian nimin khan Serchhip lutin tlai Dar 3:00-ah NLUP Nodal Officer, Pu Lawmkima MCS hoin Line Department Official te nen an inkawm hova, Chief Media Officer chuan Line Department te chu NLUP hmalakna kawngah theihtawp an chhuah tih an hriatpui thu leh lawmawm a tih thu a sawi a, an hlawhtlinna te a taka rawn enpui a Mizoram mipuite hriata tarchhuah sak a tum a ni tih a sawi, tha taka thawhho zel a duh thu a sawi a ni.

NLUP Nodal Officer Pu Lawmkima, MCS pawhin thu sawiin NLUP 1st Phase ah 70% vel chu hlawhtlinga an inhriat thu a sawi a, a tithalo pawh uluk taka zirchianna neih anih hnu in insawifiah tura tih an ni thin a, an insawifiahna te awmze awmlo anih chuan atira an intiamkam ang ngeia dan anga hmalak a nih thin thu a sawi a ni.

NIB Media Team hian tukin Dar 6:30 atang khan Chhiahtlang, Serchhip leh Thenzawla NLUP 1st Phase hlawhtlinpuitu thlanchhuahte tlawh kualin documentary film an siam sak a, zaninah Thenzawlah riakin naktukah Buangpui leh a chhehvel a NLUP hlawhtlinpuitute an tlawh leh ang.