Vawiin chawhnu khan Lunglei DC Conference Hall-ah Pu H.
Lalengmawia, IAS, Secretary, Government of Mizoram, Electoral Roll Observer ni
bawk hovin Electoral Roll Revision 2019 kalpui mek chungchang meeting neih a
ni. Meeting-ah hian a kaihhnawih sawrkar official-te, tlawmngai pawl hruaitute
leh political party hrang hrang aiawhte an tel.
Meeting Pu Benjamin Lalzama, Addl DC Lunglei kaihhruaiah hian Pu
H. Lalengmawia chuan thu sawiin Electoral Roll buatsaih ah hian thawktuten
theihtawp chhuaha kan fimkhur a tul hle a, electoral roll dik, felfai leh
belhchian tlak kan neih theihna turin tlawmngai pawl hrang hrangte pawhin
thawktute finchhuaha, a tul apianga kan puih a tul hle a ni, a ti a. Inthlan
hlawhtlinna chu electoral roll ah thui takin a innghat a, hetiang tur hian
mipuite hnenah pawh awareness pek a tul hle a ni, a ti bawk. Vawiina meeting-ah
hian Lunglei District Draft Roll tlangzarh tawh chu thlirlet niin Pu H.
Lalengmawia hian Power and Electricity Department a Secretary a nih angina power
chungchanga sawrkar hmalakna leh hmachhawp hrang hrang a sawilang bawk a ni.
A hnuaia tarlan ang hian ECI in ruahmanna a siam angin Special
Summary Revision of Electoral Rolls 2019 hi kalpui mek a ni:
|
S No |
Activities |
Period |
|
1 |
Integrated Draft
Electoral Roll Tlangzarh |
28th December,
2018 |
|
2 |
Electoral Roll ah thun
belh duh leh sawisel neite tana hun hawn chhung (Period for filing Claims and
Objections) |
Till 25thJanuary,
2019 |
|
3 |
Sawiselna awmte endika
chinfel hun chhung |
11th February,
2019 hma in |
|
4 |
Final Publication of
Electoral Roll |
22nd February,
2019 |
Attachment
- Loading attachment...
