Nimin chawhnu dar 2 : 30 khan DCs Conference Room, Saiha-ah Pu R.Liankima MCS, Electoral Roll Observer hovin Pu N.Chakhai E.R.O. Saiha kaihhruaina hnuaiah meeting pawimawh neih a ni.

He meeting-ah hian Electoral Roll siam chungchang a thil pawimawh chi hrang hrang te ngaihtuah ho ani a, Chairman, Pu N.Chakhai, E.R.O. chuan meeting neih chhan te sawi hawnna neiin Electoral Roll fel fai leh thinghlim neih anih theih nana theih tawp chhuah anih thu a sawi a, tun dinhmunah Saiha District chu Electoral Roll siam zawh fel thawkhat anih tawh thu a sawi bawk. Pu R.Liankima MCS, Electoral Roll Observer chuan kum tlinglo te Electoral Roll a thun a pawi thu sawiin kum tlinglo te Electoral Roll a kan thun hian eng party mahin kan hlawk pui lo ani ati a. India khua leh tui nilo te Electoral Roll a thun a pawizia a sawi bakah hemi kawnga hma lak pui turin tlawmngai pawl hrang hrangte chu phungbawm ah a sawm nghal bawk ani. Electoral Roll hi a thianghlim tlat chuan kan hmanrua te pawh a thianghlim thin ani ati bawk.He meeting ah hian zawhna leh chhanna hunte neih anih bakah huamzau taka sawihona neih nghal ani.

Meeting ah hian E.R.O. leh A.E.R.O. te bakah Political Party hrang hrang hruaitu te, tlawmngai pawl hrang hrang aiawh te leh chanchinthar thehdarh tute an tel kim hle a ni.