Pu H.Liansailova, Agriculture Minister chuan vawiin khan IPR auditorium ah Pu P Lalnithanga,IAS (Rtd) lehkhabu ziah ‘Vawmphunga Kamchhuak’ a tlangzarh.
Pu Liansailova chuan he lehkhabu hi Mizoram a mithiamte leh Agriculture a mi tuiten an hman tangkai ngei a beisei thu a sawi. Minister chuan Pu Vawmphunga chu lo neih lamah mi hmasa a ni a, tunlai lo neih kal dan thenkhat pawh hi ama vision a ni anih thu a sawi.
He inkhawm ah hian Pu P.Lalnithanga, IAS (Rtd), Er. K.Thangzualla, Ex Minister, Pu P. Lianhrima leh midang thahnem takin thu an sawi.
Pu Vawmphunga (1895-1969) hi Chawnga Vangchhia leh Thangi fapa niin Bawlte khuaah a pianga, Bilkhawthlira Chemphai leilet’Hmuchhuaktu’ ti a chhal ngam a nih rualin a khaw chhehvel- Phaisen, Saiphai, Buhchangphai leilette pawh hi a hmuchhuaktu ti a sawi a ni thin.
