Vawiin chawhma dar 10:30 khan Deputy Commissioner’s Office Chamber, Saiha ah Pu Agash Mahapasra, Electoral Roll Obsever hovin meeting neih a ni.

He meeting ah hian Electoral Roll-a Voters chungchang sawiho a ni a, Electoral Roll siam chungchanga harsatna hrang hrang tawhte sawilan niin Myanmar leh Phai lam atanga lo pem lut te reng reng chu Electoral Roll atanga paih tur an nih thu sawilan a ni. Electoral Roll Final publication chu Form ‘A’ left Form 8 ‘A’ te uluk taka check fel anih hnuah chauh tarchhuah tur anih thu sawi a ni a. Electoral Roll buatsaih dan chungchang sawiin fimkhur leh uluk taka buatsaih turin Observer chuan kalkhawmte chu a chah a ni.

Political Party hrang hrang te pawhin Electoral Roll buatsaih changchanga an harsatna hrang hrang te chu Observer hnenah hian an thlen nghal a, Observer chuan Birth Certificate chungchang pawimawh zia sawiin Education Certificate te lak nawn fo pawi zia a sawilang bawk. Pu N. Chakhai, Additional D.C., Saiha pawhin thu sawiin Constituency hrang hranga Electoral Roll siam chungchang-a an harsatna tawh hrang hrangte pawh Observer hnenah hian a thlen nghal bawk a ni. He meeting hn hian political party hruaitute leh Election kaihhnawih department hotute an tel kim hle a ni.