Vawiin chawhma dar 10:30 khan DCs Conference Room, Saiha ah Pu R. Liankima, MCS, Electoral Roll Observer hovin meeting pawimawh neih a ni.

He meeting-ah hian Electoral Roll siam chungchang a thil pawimawh chi hrang hrang te ngaihtuah ho a ni a, Electoral Roll siam chungchangah Election Commission te an fimkhur thu sawiin Pu Liankima, MCS chuan tunhma lam pawha la awm ngailo Electoral Roll Observer te a siam thar a ni, tiin an hnathawh chi hrang hrang te a sawi langa, report hi tum thum pek luh a ngaih thu a sawi a, tun thla chhung ngeia report hmasa ber chu thehluh ngei a ngaih thu a sawi bawk. Claims and Objection neih chungchanga harsatna a awm leh awm loh enfiaha harsatna te sutkian pui tura lo kal anih ber thu a sawi lang a, Electoral Roll Revision neih chungchang a, an dinhmun te enfiah tura lo kal anih thu a sawi bawk. Electoral Roll ah hian kum tling dik tak te chauh thun a pawimawh thu sawiin ramdang mite pawh Electoral Roll ah thun loh hram tur a ni a ti bawk. Electoral Roll ah hian englai pawha in thun theih reng anih bakah EPIC Card ah kum upat thu ah min an dil chuan Rs. 25/- chawia kum hi siamthar theih a nih thu sawilan a ni bawk. He meeting ah hian tlawmngai pawl hrang hrang aiawhte, Party hrang hrang hruaitut leh chanchinthar thehdarh tute an tel kim hle a ni

Attachment

  • Loading attachment...