Vawiin hian Special Summary Revision of Electoral Roll neih meka Lunglei, Serchhip leh Mamit District Observer, Pu Sangdingliana, IAS, Secretary, I&PR, etc., Government of Mizoram ni bawk chuan Lunglei District a Electoral Roll Revision kalpui mek a rawn enfiah a. District Election thawktute leh sawm bik mi pawimawh te meeting a neih pui bawk.

Observer hova meeting hi DC Conference Hall-ah buatsaih niin Pu R. Vanrengpuia, Deputy District Election Officer, Pu J. Miahlung, Election Officer,ERO, AERO-te leh Election Branch-a thawktute, khawpui chhunga BLO te, media mite, Sub Hqrs YMA hruaitute leh political party hrang hrang aiawhte an tel. Special Summary Revision of Electoral Roll, 2020 kalpui meka thil pawimawh hrang hrang te sawiho a ni.

Pu Sangdingliana, IAS chuan, Election Commission of India in ruahmanna a siam anga Roll revision neih mek enpuia, harsatna awm thei te, mamawh awm te ngaihthlak sak tura rawn kal a nih thu a sawi a. Roll revision chu uluk leh fimkhur taka kalpui a tul thu sawiin Election Branch a hnathawktute leh BLO-te chu dik taka hna an thawh a tul thu a sawi a ni. Lunglei District chu Bangladesh leh Myanmar international border nei anih avangin fimkhur zual a tul thu kalkhawmte a chah nawn bawk a ni. 

He hunah hian Lunglei Election Officer Pu J. Miahlung chuan Roll Revision hna kalpui mek dinhmun tlangpui report a pe a. Lunglei District Election office in a enkawl mek Assembly Constituency pasarih ah Roll a inthunlut thar duh dilna Form 6 chu 4256 a lut tawh a. Tin, Electoral Roll atanga hming paih dilna Form 7 pawh 1481 a lut tawhin particular tih dik ngai dilna Form 8 chu 9490 a lut tawh bawk a ni. Pu J. Miahlung chuan heng dilna te hi uluk taka enfiah niin Summary Revision hna hi ngawrh taka kalpui anih thu a tarlang. Lunglei District ah polling station thar panga hengte – Maudarh, Old Ralvawng, Tleu, Kauchhuah leh Bindasora chu Election Commission of India-in din phalna a rawn pe tawh a. Tin, polling station building tha tawhlo leh pan harsa pathum Pukpui, Chanmari II leh Electric Veng te pawh hmun dangah thlak a rawn phal sak a. Zohnuai polling station chu hmun hnih – Zohnuai West leh Zohnuai East ah then a ni bawk ang. 

Attachment

  • Loading attachment...