3266/2023-2024
Khawzawl, 8th January 2023: Special Summary Revision 2024 chu January ni 6, 2024 atangin neih leh tur a ni a. Hemi atan a hriattur pawimawh te:
1. January Ni 1, 2006 hmalam a piangte tan E-Roll a inziahluh thar theih a ni a, mahni awmna khua/veng BLO te hnenah dilna thehluh theih a ni.
2. Inziak lut thar turte tan heng lehkha pawimawh (document)te hi dilna ah thil tel tur a ni.
a) Age Proof atan attested Birth Certtificate/Aadhar Card/PAN Card/Indian Passport Xerox copy.
b) Address Proof atan attested Family Ration Card xerox
c) Passport size thlaklak fiah tha copy 1.
Note; Zirlai emaw hmun danga lehkha zir emaw hmundanga hnathawk tan pawh an chhungte an aiawh thei mi rintlak (Nu emaw Pa emaw) an awm chuan dilna an thehlut thei bawk.
3. Assembly Constituency dang atanga roll transfer duh tan dilna thehluh theih a ni bawk. Address proof atan Ration Card/Bank Passbook/ Aadhar Card xerox attested copy thil tel tur a ni. Hetiang document la nei hman lo/ nei lo tan mahni awmna khua/veng Village Council emaw YMA atanga hriatpuina thil tel theih a ni bawk.
4. Mitthi tawh E-Roll atanga paih tur tan Death Certificate emaw YMA/VC atangin an boral tawh a ni tih hriatpuina (thihni, thla leh kum langin) lehkha thil telin dilna thehluh theih a ni bawk.
5. Roll Revision chhung hian Sipai a tang mek Service Voter a inziak lut tur tan mahni awmna Unit a Record Officer te hnenah dilna thehluh theih a ni bawk. Tin Service Voter Roll a awm mek, Electoral Roll pangngai a in let duh tan pawh dilna thehluh theih a ni bawk.
6. Dilna hun hi January ni 22, 2024 thleng hawn a ni a. Amaherawhchu, hun a tep ter tawh avangin dilna hun leh hearing hun hi a innan chhoh a ngai dawn a. Chuvangin, dil tur te chuan January ni 17 hmaa dil ngei turin kan inngen a ni.
7. Document thehluh te hi fiah fel tha, chhiar theih ngei a ni tur a ni, India khua leh tui ni lo tan dilna thehluh a theih loh a ni.
Electoral Roll ah hian India Khua leh tui, kum 18 tling tawh chin zawng zawng chu inziak lut vek turin sawm vek kan ni a. Hriat chian dun nei chuan DC OFFICE-ah emaw, mahni khua/veng BLO te hnenah zawhfiah theih reng a ni.
-ELECTORAL REGISTRATION OFFICER
22-TUICHANG(ST) AC
