3267/2023-2024

Champhai the 8th January, 2023 – Champhai District Silver Jubilee Celebration Committee te chu tum hnihna atan vawiin chawhma khan an Chairman Champhai DC Pu James Lalrinchhana kaihhruaiin DC Conference Hall, Keifangtlang-ah an thukhawm a ni.

Committee Chairman Champhai DC Pu James Lalrinchhana chuan Champhai District tana mellung pawimawh leh chhinchhiah tlak District Silver Jubilee chu ropui taka lawm anih ngei theihnan kalkhawmte chu an ngaihtuahna senga, inthlahrung lova an ngaihdan te phur taka thawh khawm turin a sawm a ni.

Vawiin meeting-ah hian Champhai District Silver Jubilee Celebration Committee thutkhawm hmasak ber December ni 12, 2023 a thurel hrang hrangte bawhzui dan dinhmun thlirho a ni a.

Souvenir Sub Committee, Monument Sub Committee leh Programme Sub Committee te chuan an hmalak tawh tlangpui an report a. Monument hi Champhai DC Office Complex, Keifangtlang ah siam ni se tih a ni a. Vawiin Committee chuan Champhai District Silver Jubilee lawmna chu February ni 28 (Nilaini) ah DC Office Complex, Keifangtlang ah neih ni se tih an rel a. Sawrkar hotute leh thawktute bakah Champhai District DC lo ni tawhte leh District neih theihna tura a sulsutu te leh pawl hrang hrang hruaitute sawm ni se tih an rel a. Program tlangpui leh chanvo nei tur te ruahman fel nghal an ni a. silver Jubilee lawmnaa tlangzarh hman turin Souvenir pawh pei fel hman ni se tih an rel a ni.

Champhai District Silver Jubilee Celebration Committee Member Secretary Pu Lalrinawma Khiangte chu transfer anih tak avangin Committee chuan Member Secretary turin Election Officer Pu Benjamin Zalawma Ralte a ruat a ni.