3268/2023-2024

Aizawl, the 8th January 2023: Vawiin chawhnu khan Durtlang MC Hall-ah Video Conference kaltlangin Prime Minister Narendra Modi leh Mizoram kuthnathawktu thlanchhuah te’n Viksit Bharat Sankalp Yatra hmalakna hnuaia Agriculture sector chungchangah inkawmna an nei. He program hi Agriculture Department, Office of Deputy Commissioner,  Aizawl District leh NIC tangkawp ten an buatsaih a ni.

Prime Minister Narendra Modi chuan India in kum 2047 ral hmaa Ram Hmasawn/ Ram Changkang nih a tumna kawngah Agriculture sector pawimawhna a sawi a. India ram state hrang hranga Kuthnathawktute pawh Video Conference kaltlangin a kawm nghal a ni. Mizorama Kuthnathawktute zinga thlan chhuahte pawh he program-ah hian an tel tha hle a. He hunah hian Pu VL Hruaia ralte, Durtlang North chuan kuthnathawktute aiawhin Prime Minister Modi-a chu Organic Farming chungchang a titi pui a ni.

PM interacts with Beneficiaries program hi inlawmna thu Girirraj Singh, Minister, Rural Development & Panchayati RaJ chuan a sawi hnuah tan a ni a. 'Viksit Bharat Sankalp Yatra' chungchangah video clip siam thlirhona te neih a nih hnuiin Prime Minister hian hun a chang chhunzawm a ni. Program tawp lamah PM - Kissan Scheme chungchanga inzirtirna hun hman a ni bawk.

Pu H.Lianzela, Secretary, Agriculture, Pi Nazuk Kumar, Deputy Commissioner, Aizawl, Pu Vanlalthlamuana, Director leh Official pawimawh tak tak ten he hun hi an chhim bawk a ni.