Election Commission of India thuchhuak angin Ni 01.01.2016 tehfunga hmangin Special Summary Revision of Rolls, 2016 neih tur a ni a. Hemi chungchang thlir ho hian vawiin khan Aizawl District Deputy Commissioner Dr Franklin Laltinkhuma, District Election Officer nibawk kaihhruai na in a office ah District Level Standing Committee neih a ni.
Dr Franklin Laltinkhuma chuan ECI in a ngaih pawimawh ang ngeiin Special Summary Revision chungchangah hian hun tiam chhung hi ngaih pawimawh a tul a. Heng hna thawk tur hian Mizoram sorkar hnuaia department hrang hranga thawk MCS officer te chu Electoral Registration Officer, Assistant Electoral Registration Officer (ERO/AERO) atan ruat an nih thu a sawi. Aizawl District ah hian Supervisors 31 leh Booth Level Officer (BLO) mi 323 awm mek in, BLO 3 dang neih belh tura ruahman mek a ni. Supervisors leh Booth Level Officer atan hian College/School leh Office hrang hranga thawkte ruat an ni a. Heng mite hian Ni 26.8.2015 leh 27.8.2015 khan training an neih tawh thu a sawi bawk.
Pi H. Lalchhandami, Election Officer chuan Hearing chungchang sawifiahin kum danga tih thin dan ang bawkin Electoral Registration Officer, Asst. Electoral Registration Officer (ERO/AERO) ten Hearing Ni 15.10.2015 atanga 16.11.2015 chhungin an remchan dan anga neih leh tur a nih thu bakah Hearing ah hian Political Party aiawh Booth Level Agent (BLA) leh NGO hruaitu emaw an aiawhte tel tura ngen an nih thu a sawi. NGO leh party tin ten an branch/unit te hnenah Hearing a official te thahnemngai taka lo tawiawmturina ngen nawn leh a ni.
Special Summary Revision Programme chu a hnuai ami ang hi a ni :
|
Sl.No |
Stages of Revision |
Period allowed for Stages |
|
1 |
Draft Publication of Electoral Rolls |
15.09.2015 (Tuesday) |
|
2 |
Period for filling of Claims & Objections |
15.09.2015 (Tuesday) to 14.10.2015 (Wednesday) |
|
3 |
Reading of relevant part/section of photo electoral rolls in Gram Sabha/Local Bodies and RWA meetings etc. and verification of names |
16.09.2015 (Wednesday) and 30.09.2015 (Wednesday) |
|
4 |
Special Campaign dates with Booth Level Agents of political parties for receiving Claims and Objections |
19.09.2015 (Saturday) and 03.10.2015 (Saturday) |
|
5 |
Disposal of Claims and Objections |
By 16.11.2015 (Monday) |
|
6 |
Updating the database, merging of photographs, updating the Control table and preparation and printing of Supplementary list |
By 15.12.2015 (Tuesday) |
|
7 |
Final Publication of Electoral Rolls |
15.1.2016 (Friday) |
Aizawl District ah hian Polling Station 323 a awm mek a. Election Commission of India instruction angin Rationalization of Polling Station kalpui mek a ni a. Polling Station thar 3 – Zemabawk V, Khatla East leh Bungkawn II te siam thar tum a hmalak mek a ni. Heng Polling Station thar 3 hi ECI in a rawn approve chuan Aizawl District ah Polling Station 326 a awm dawn a ni.
