Vawiin khan Aizawl DC office ah Deputy Commissioner Dr. Franklin Laltinkhuma, District Municipal Election Officer nibawk kaihhruaina in Revision of Electoral Rolls for General Elections to 2^nd Aizawl Municipal Councils, 2015 chungchangah District Level Standing Committee neih a ni.

State Election Commission, Mizoram thuchhuak angina Revision of Municipal Rolls 2015 neih chu a hnuaia tarlan programme ang hian neih tur a ni :

AMC huamchhungah hian Ward 19 awmin Polling Station 211 awm tura ruahman a ni. Municipal Electoral Roll Revision atan hian MCS officer te chu Municipal Electoral Registration Officer (MERO) leh Assistant Municipal Electoral Registration Officer (AMERO) atan ruat an ni. He Revision atan hian BLO 211 ruat an  ni a. Training pawh neih tir tawh an ni.

Municipal Electoral Roll a hming thun thar/transfer leh hming siam that duhte tan hun tiam chhungin an bialtu MERO/AMERO leh BLO te hnenah an thehluh hman a ngai a ni.

The Mizoram Municipalities Act, 2007 leh The Mizoram Municipalities (Third Amendment) Act, 2015 Section 29 tlawhchhanin tun tum Municipal Electoral Roll a chuang turte chuan heng qualification hi an neih ngei a ngai :

1)               Qualifying date a kum 18 tling chin

2)               Municipal Area a ordinary resident ni te

3)              Indiakhua leh tui, Scheduled Tribe a tel te

4)               Permanent Resident  Gorkhas leh an thlah te

MERO leh AMERO ten Form hrang hrang an dawn te 10.09.2015 atanga ni 18.09.2015 chhungin chinfelna (Hearing) neih a ni dawn a. Political Party aiawh leh NGO aiawhte chu he Hearing ah hian tel tura beisei an ni a. NGO leh Party tin ten an branch/unit te hnenah Hearing a official te thahnem ngai taka lo tawiawm turin Committee chuan a ngen a ni.

Draft Municipal Electoral Roll hi Ni 01.09.2015 khan tarchhuah tawh a ni.