Vawiin khan Electoral Roll Special Summary Revision 2020 chungchangah DC Conference Hall, Aizawlah Electoral Roll Observer Pu Lalthangpuia Sailo hovin meeting neih a ni.

Election Commission of India chuan India khua leh tui, kum tling chin te, thil dang vanga thun theih loh an nih loh chuan, Electoral Roll-ah thun ngei an nih theih nan leh paih ngai te pain an nih theih nan tan a la a. Kum tling tawh reng si vote thlak thei lo an awm palh ang tih hlauin sawrkar chuan uluk takin Electoral Roll hi a buatsaih thin. District tina District Election Officer (DEO) ten electoral roll an buaipui hnuah a fel fai tawk em tih endik turin ECI chuan senior IAS Officer zing a mi Roll Observer a ruat thin a. Aizawl, Champhai leh Kolasib District bialtu Observer atan Pu Lalthangpuia Sailo, IAS chu ruat a ni.

Vawiin hian Aizawl DC Pu Lalngaihsaka kaihhruaiin DC Conference Hall-a programme tawi buatsaihah Specially Summary Revision chungchang hi sawiho niin political party hrang hrang aiawh te, tlawmngai pawl aiawh te, chanchinbumite leh official te an tel a ni. DC in a tarlan danin Aizawl District huamchhunga Constituency 14 ah Polling Station 345 a awm a. Voter hi mi 294518 an awm mek. Naktuk 15.01.2020 thleng hian kum tling thar te leh transfer dil duhte tan DC Office, Aizawlah dilna a la thehluh theih a ni.