Nimin khan Pu Sangdingliana, IAS Election Observer Mamit chuan Draft Electoral Roll 2020 leh Special Summary Revision 2020 buatsaih meka inbuatsaihna enpuiin Mamit Election Office a tlawh.

Special Summary Revision 2020, buaipui mek hi Election Commission of India thu angin Final Publication of Electoral Roll hi 07.02.2020 hian tarchhuah tum a ni a. Hetah hian harsatna sawi duh tan 15.01.2020 thleng hun hawn niin Ni 27.01.2020 chhungin chinfel a ni ang.

Election Observer chuan Draft Electoral Roll, 2020 Mamit Election Office te'n an buaipui mekah thawktute, Political Party, khawtlang hruaitute leh tlawmngai pawlte thawhhona chu lawmawm a tih thu a sawi.

Draft Electoral Roll, 2020 atan hian Mamit District chhunga Constituency pathum atangin form 6,7,8 leh 8A hmanga dilna lut hi hetiang hi a ni.

1-Hachhek A/C atangin Form 6 ah 166 Form 7 ah 2, Form 8 ah 34 leh Form 8A ah 18 a ni. 2- Dampa A/C ah hian Form 6 ah 206, Form 7 ah 5, Form 8 ah 33 leh Form 8A ah 10 a lut a ni. 3-Mamit A/C atang hian Form 6 ah 146, Form 7 ah 17, Form 8 ah 12 leh Form 8A ah 13 a lut bawk. Ti hian Form lut zawng zawng hi 662 a ni.

Pu Sangdingliana, Election Observer hi Dr Lalrozama, District Election Officer chuan a Office Chamber-ah Elections Officials te nen inkawm hona a neih pui nghal a ni.