Vawiin hian Lawngtlai DC Conference Hall ah Electoral Roll then thianghlimna programme (National Electoral Roll Purification Lawngtlai District) chu ram chhung hmun dangte rualin hawn a ni a. District Electoral Officer aiawhin Addl DC Pu R. Lalsangluaia’n a hawng.

Pu R. Lalsangluaia chuan, he hna pawimawh tak thawk tur hian Official ten theihtawp kan chhuah dawn a, Village Level Working Group leh Booth Level Officer te pawhin dik taka engkim an kalpui ngei theihnan tan kan la dawn a ni, a ti.

Lawngtlai Election Officer Pu Lalhmansanga pawhin thusawiin, kumin January ni 15 mai kha Electoral Roll thar ber tlangzarh a ni a, Election Commission of India chuan kha Roll thar kha uluk leh zuala then thianghlim a duh avangin he Programme hi rawn duang chhuakin March thla chhung inbuatsaihnan hunk an hmang anga, April ni 1 atanga thawk tannin August ni 31 ah chuan zawh fel hman vek kan tum dawn a ni, a ti. He hnathawk tur hian Constituency tinah Convener leh Asst Convener ruat an ni anga, Polling Station tinah Working Group siam a ni bawk dawn ani. Chungte chuan District Level Working Group kaihhruaina hnuaiah hna an thawk ang.

Tunah hian Lawngtlai District ah Polling Station 161 awm mekin Elector Population Ratio hi 59% a ni mek a ni.

He hunah hian Political Party aiawhte, tlawmngaipawl aiawhte leh chanchinbumite an tela, heng pawl hrang hrang aiawhte hian Roll fel fai tak a awm theih nana thil pawimawh nia an hriatte tarlang in theihtawp chhuaha thawktuten hna an thawh avanga District chhunga Electoral Roll a fel fai tial tial chu lawmawm an tih thute an sawi hlawm ani.