1242/2022-2023
Aizawl, 14th July 2022: Er. Benjamin L.Tlumtea, Superintending Engineer(Comml.) Engineer-in-Chief, P&ED chuan electric bill pek chungchangah a hnuaia tarlan ang hian mipuite tana hriattur pawimawh a chhuah.

July thla Electric bill hi P&E Department Bill counter-ah payment dawn mek a ni a, hetihlai hian Billing system thar leh data centre thar hman tan a nih vangin Online a bill pe thin te tan engemaw harsatna a awm leh thin a. Hetianga Online payment chungchanga harsatna lo awm leh thin hi buaipui a, chinfel mek zel a nih avangin rintlak taka Online hmanga bill pek chhunzawm theih thuai beisei a ni.

Electricity billing system tharah hian Consumer number thar vek hman a nih tawh avangin Online hmanga bill pek nan Consumer number thar (8-digits) hman tawh tur a ni a, chu chu ‘Business partner’ tih ah chhut luh tur a ni. July thla bill la hmu lo tan June thla bill ah consumer number thar hi tarlan tawh a ni.

Billing system thar hman a nih avanga Online payment leh Bill entry a thil felhlel (slab lang kimlo, due date diklo etc.) awm theiah P&E Department chuan mipuite hriatthiamna a dil e. Billing system tharin a huam chhungah chuan July thla bill Due date hi 22.07.2022 a ni a, hmundangah chuan Department in a ruat ang zel kha hman tur a ni.

Tin, Bill diklo leh felhlel nia hriat chu Complaint counter-ah office hun chhungin complaint theih reng a ni a, Online payment chungchang bikah harsatna nei kan awm a nih chuan heng Mobile phone number – 9436141511 / 7832871956 / 8575517333 ah hian office hun chhungin zawhfiah theih a ni e.