Vawiin khan Hotel Floria, Aizawl Mizoram, Conference Hall ah State Advisory Committee Mizoram meeting neih a ni a, hetah hian Er. Ng. Sarat Singh, Chairman, Joint Electricity Regulatory Commission for Manipur and Mizoram in committee a kaihruai a, Er. Lalchharliana Pachuau, JERC (M&M) in a tawiawm bawk a ni.

He Committee ah hian member hrang hrang ten hun an hmangin kumin April Ni 1 atang a electric current chhit man tihsan dan tur chungchang sawiho leh rel a ni a, electric current chhit man chu tunlai thil man to zel dan en in mipuite tana phurrit nilo tura tihsan an remti a ni.

He Committee ah hian electric-power purchase management te, prepaid metering system hman dan chungchangte leh thildang tamtak rel ho leh sawiho a ni.

JERC(M&M) hi Electricity Act 2003 a din a ni a, electric hi company in enkawl a, hlawk taka kalpui tur leh mipuite tan pavh a 24x7 power hmu tur leh chhit man pavh sang lutuk lo tur a remruattu commission a ni.