Tukin chawhma khan Chief Minister Office ah Principal Chief Conservation of Forests (PCCF) & Principal Secretary to Chief Minister Pu Lalram Thanga kaihhruaina hnuaiah electronic bungraw hlui (E-waste) tihral /thehthang dan tur chungchang sawihona neih a ni a. Meetingah hian ICT, UD&PA, AMC, SIPMIU, Mizoram Pollution Control Board (MPCB) aiawhte an tel.

Pu Lalram Thanga chuan electronic bungrua tam tak changkanna in a ken tel, Mizoramah pawh kan hman mekte hi, thiamna thang chho reng avangin kan computer leh mobile phone thlenga a hlui chak zia thu a sawi a. Hengte hi mumal zawka tihral emaw enkawl anih loh chuan nasa takin environment pollution lama kan tawrh theih bakah mihring hriselna thlenga tawrhna a thlen theih thu a sawi a. Sorkar chu electronic bungrua hmang tam ber anih angin, a hlui tihral danah inkaihhruaina siam nise tih meeting chuan a rel a. Helam hawia sorkar department te leh mipui ah inzirtirna uar taka neih nise tiin thu an rel a ni.

Heng bungraw hlui lakkhawmna hmun tur bik hi SIPMIU leh AMC in lo siamin, department zawng zawngin an electronic bungraw hlui record te MPCB ah in report tura hriattir nise tih meeting chuan a rel bawk a ni.