Saisih zau, Saikhawtlir a loneitute te Tractor & hmanraw dang hlan an ni a, he hun hi Pi J.H Lalparmawii, IPRO Mamit chuan khuallian ni a hmanpui.

He mi pual hian inkhawm tawi neih niin Pu L.V Zomuana DAO, Mamit chuan kaihhruai a. Pi J.H Lalparmawii IPRO, Mamit cheng tam tak man a thlawn liau liau a dawngtute a lawmpuithu sawiin, Saisih zau, Saikhawthlir loneitute chu an hmanraw dawn te dawngtu mai nih duhtawk lova, a nih tur ang taka hmanga, District Agriculture Office te nena lungrual taka thawkho turin a sawm a ni.

Vawiin a pek chhuah tak hi Tractor bakah buhzaina leh leilehna hmanrua (trailer, paddy weeder leh rotavator) niin, a vai hian 9,40,327/- a ni a, RKVY hnuaia Custom Hiring Center hnuaia pek chhuah a ni. He khawl hi Saisih zau a loneitutu intelkhawm Field Management Committee te hnenah hlan a ni a, buaipui zui leh enkawl hna hi loneitu intelkhawm te kutah dah niin a hmanna tura hman a nih leh nih loh District Agriculture office ten an vil zui dawn a ni.