1378/2023-2024
Khawzawl, 3rd August 2023: Khawzawl District Bawrhsap Pu K. Lalrohlua chuan a hnuaia mi ang hian Electronic Weighing Machine chungchanga mipuite hriat turin thu a siam.
Controller of Legal Metrology, Government of Mizoram chuan Order No.C.18016/6/2020-DTE(WM)/25 dated 20.08.2020 kaltlangin iron rod dealer reng reng chuan September, 2020 ral hma ngein Electronic Weighing Machine an hmang vek tur a ni tih order a chhuah tawh a.
Secretary to Government of Mizoram, FCS&CA Department chuan notification No.S.14011/10/2006-FCS&CA dated 24.03.2023 kaltlangin iron rod hralh nan a buk a buk chauh phal a nih thu leh, Legal Metrology Wing, FCS&CA Department-in an endik Electronic Weighing Machine chauh hman tur a nih thu a chhuah tawh bawk a.
Chuvangin, Khawzawl district mipuiin iron rod (TMT Bar) buk tling leh dik ngei kan lei theih nan, Khawzawl district huam chhunga iron rod dealer zawng zawngte chu ni 15.08.2023 ral hma ngeia Electronic Weighing Machine chauh hmang turin hriattir an ni e.
