1379/2023-2024
Khawzawl, 3rd August 2023: Khawzawl Bawrhsap, District Election Officer ni bawk Pu K. Lalrohlua chuan Draft Electoral Roll tlangzarh tak chungchanga mipuite hriattur thuchhuah a siam.
Election Commission of India lehkha No.23/2023-ERS(Vol.) dt. 24.05.2023 thuchhuak angin, 2nd Special Summary Revision of Photo Electoral Rolls, 2023 neih tur a ni a. Hemi atana tehfung chu 01.10.2023-a kum 18 tling chin a ni ang. Khawzawl District chhunga Assembly Constituency 22-Tuichang (ST) AC, Draft Photo Electoral Rolls, 2023 chu ni 02.08.2023 chawhma dar 09:30 khan mipuite en theih turin ka tlangzarh a. A en duh apiang ten bialtu ERO/AERO/BLO-te hnenah en theih a ni ang.
Hming thunluh, belh, siamthat leh paih duhte chuan bialtu BLO hnen atang Form 6, Form 7 emaw Form 8 hmangin dilna ni 02.08.2023 atanga ni 31.08.2023 chhungin an thehlut thei ang a. Huntiam chhunga thehlut lo chu pawm a ni lovang.
