1380/2023-2024

Aizawl, the 3rd August 2023: Indira Gandhi National Open University chuan ni 03.08.2023 hian Aizawl, Jodhpur,  Rajkot leh Thiruvananthapuram-a an Regional Centre building thar hawnna a nei a. Heng building thar hawnna hi virtual mode a neih a niin Shri Dharmendra Pradhan, Hon’ble Minister of Education, Govt. of India in heng building thar te hi a hawng a ni.

Aizawl Regional Centre building thar hawnna hi a hmunah IGNOU Headquarters lam atangin Pro Vice Chancellor Prof. Uma Kanjlal, Pro Vice Chancellor Prof. Kiran Hazarika, Regional Services Director Dr.Umesh Chandra Panday leh Construction and Maintenance Division a Assistant Engineer Sh. Rajan Sharma ten an rawn hmanpui a ni.

Sr. Regional Director, Dr. S.R. Zonunthara’n  IGNOU Regional Centre Aizawl hi kum 2000 ah hawn tan ni in tun dinhmunah chuan district zawng zawng ah Learner Support Centre hawn vek niin kum 2022 Academic Session ah zirlai thar 7195 an neih thu leh kum khat ah January Session leh July Session a awm thu a sawi. Building thar chungchang sawiin kum 2021 atanga sak tan ni in kum khat chhunga sak zawh tum ni in Pandemic avanga tum huna sak zawh theih nilo mahse tun huna hawn theih ani ta chu lawmawm a tih thu sawiin Mizoram mipui tan tangkai taka hman a nih a beisei thu a sawi.

Indira Gandhi National Open University in Regional Centres pali an hawnna Programme hi session hnih a then a ni a. First session hi Local programme anga hman ni in Second session hi virtual mode in building thar hawng tu Shri Dharmendra Pradhan, Hon’ble Minister of Education Govt. of India ho a hman ani. Aizawl Regional Centre hmun hi kum 2009 kum a neih ni in a hmun zau zawng hi 14280 sq.m ni in building thar hi 1036 sq.m a zau a sak a ni. He building thar sak nan hian RS.106,34,12,00/- IGNOU hian a seng ani. Aizawl a building thar hawnna  hi IGNOU Regional Centre Aizawl hnuaia Learner Support Centre hrang hranga Coordinator, Asst. Coordinator, Academic Counsellors leh Office Staff te, Local Council member te, NGO hrang hrangte leh Government Departments  hrang hrang leh Educational Institutions hrang hrang atang te in an hmanpui a ni.