1381/2023-2024

Aizawl, 03.08.2023: August ni 3, 2023 zan khan SVEEP (Systematic Voters' Education and Electoral Participation) hmalakna pakhat atan voter awareness programme hmangin ITI Veng Volleyball ground-ah Volleyball Friendly Match buatsaih a ni. Aizawl Bawrhsap Pi Nazuk Kumar chu khuallian a ni.

Bawrhsap chuan India ram chu democracy lian ber a nih avangin inthlan a pawimawh thu leh vote thlak ngaihpawimawh a tulzia a sawi a. Vote hlutna sawiin, vote nei rual, roll a la chuanglo te chu vengchhung BLO te bulah in report thuai turin khaqtlang mipui a chah a ni.

Pi C. Laltleipuii, SVEEP Nodal Officer chuan friendly match hawnna inkhawm tawi chu kaihruaiin, inthlan hnuhnung berah Aizawl District chhungah ITI venga polling booth no.4 chu vote thlak tlemna pawl ber a nih avangin hmasawn nan voter awareness campaign neih a nih thu a sawi.

Aizawl District Election Officer Pu Lalnunfela Chawngthu chuan EVM hman dan tur demonstration a nei bawk a ni.