No.4443/2020-2021

Aizawl, the 24th August 2020 : Consumer ten buk tling dik tak an dawn theih nan Iron Rod Dealer reng reng chuan Electronic Weighing Machine September 2020 ral hma ngeiin an hmang vek tur a ni tiin vawiin khan Controller Legal Metrology chuan thu a chhuah.

 

Iron Rod (TMT Bar) hi a len lam leh a sei lam mil turin Bureau of Standard (BIS) chuan a rih lam Standard a siam a. Hei hi a siam chhuahna (Manufacturing) a tana tih niin Iron Rod hralh leh leina a tan a mal (piece) zat chhiara hmatur a ni lo. A hralh chhuahna atan hian Rules 10 of The Legal Metrology (Enforcement) Rules, 2010 in a sawi angin an buk ngei ngei tur a ni. A piece a hralh pawhin a buk hisapa hralh tur a ni.

 

Electronic Weighing Machine te hi Section 24 of the Legal Metrology Act, 2009 in a phut angin Aizawl leh District hrang hranga Legal Metrology Office-ah an hman hmain an endik tir hmasa tur a ni. Iron Rod Dealer-te chuan Electronic Weighing Machine hman tur an lei dawnin a endikna a tana pawimawh (Calibration Chart) an dil tel tur a ni.

 

Harsatna nei chuan Legal Metrology Department biak pawh theih reng a ni. He thuchhuah zawmlo te chu dan anga hrem an ni ang.