Excise & Narcotics Department (END) chuan ni 25 February, 2014 (Thawhlehni) zan dar 7:15 khan Hnahlan kawng-ah Ganja Kg-53 leh gram-500 an man a. A neitu - Lalchhanmawii (35) d/o Vanlalvuana, Dinthar Veng, Champhai leh a thurualpuite - Lalremruata (33) s/o R.Lalchhanhima, Falkland, Aizawl leh Lalrindika (22) s/o Philemona, Zemabawk, Aizawl (tuna Pu lalsawmliana, Ramhlun ‘N’ hnena cheng ni a in sawi) te chu an man nghal bawk.

Heng Ganja te hi Vaikhawtlang lam atanga an lak a ni a. polythene bag-39 ah thunin Hnahlan kawnga an rawn phurh mek laiin Excise & Narcotics Department, Champhai Station a thawkte chuan an lo man a, a phurhna atana hman Taxi Regn No. MZOI/J-5823 pawh an hreng tel bawk a ni.

Heng an mi man te hi Section 20(b) (ii)’C’ of The Narcotics Drugs & psychotrophic Substances Act, 1985 (NDPS Act, 1985) hnuaiah thubuai siamsak an ni a, dan anga thiamloh chang an nih chuan Kum 10 aia tlem lo Lung In tan bakah Rs. 1,00,000/- aia tlem lo chawitir theih an ni.