National Rural Roads Development Agency(NRRDA) Ministry of Rural Development Government of India, New Delhi leh Mizoram Rural Roads Development Agency(MIRRDA) Mizoram PWD te tangkawp chuan ni 10 leh 11 February, 2014 chhung hian Mobile Base Application Technology under 2nd Tier of Quality Monitoring PMGSY tih hmangin Training National Institute of Electronic and Information Technology(NIELIT) Zuangtui, Aizawl-ah an buatsaih.

Training-ah hian Manipur, Meghalaya, Tripura leh Mizoram atangin Engineer 28 an tel a. PMGSY hnuaia kawng laih leh siam hna te Moblie phone-a GPS leh Internet Connection hmang tangkaia hna thawh ngei a ni tih finfiahna leh vil zui dan te an zir a ni.

Traning Programme hawngtu Engineer-in-Chief R. Vanlaltluanga Engineer chuan kan kawngte tha taka enkawl leh vil zui a nih zel theihnan tunlai thiamna hmang tangkaia Moblie Handset kaltlanga vil theih a ni tawh tur chu lawmawm a ti hle a, training-a tel te pawh he hun hi hmang tangkai ngei turin duhsakna a hlan a ni. NRRDA Director, Dr. N.C. Solanki chuan he Application hman dan hi sawifiahin State hrang hrang participant lo kal te pawhin anmahni hnathawhna hmun theuhah April, 2014 ah chuan hmang vek tawh turin a chah a ni.

NRRDA atang hian mithiam pathum –Dr. N.C. Solanki, Director, Project-III; Rakhesh Kumar, Asst. Director leh Anand Singh C-Dac te an lokal a ni.