No.7274/2020-2021   

Vawiin khan I&PR Conference Hall, Mamit-ah Entrepreneurship Development Programme for Migrant Workers, Mamit District chhung a mite tan neih chu Dr. Lalrozama, IAS District Bawrhsap chuan khuallian niin kharna hun a hmang.

Pu Lalbiakzuala Aineh, SDIO Mamit chuan training kharna hun hi kaihruaiin Covid - 19 hripui leng avanga Mizorama rawn lette'n eizawnna kawng an zawhna tura kawng in kawh hmuhna training programme buatsaih a ni chu lawmawm a tih thu sawiin Mamit District chhung khaw hrang hrang atangin thalai 127 MYC-ah in report an awm a, tun tumah hian mi 38 te'n training neiin, Training chhuakte hi khuallian hian certificate a hlan nghal a ni.

Dr Lalrozama, chuan ramdang/hmundang a eizawnga awmte hripui leng avanga harsatna nei thalaite chu an hun tawn chu hun harsa-ah hmang lovin thiltha zawk zirchhuak thei tura ngaihtuahna seng turin a chah a, thalai hmasawn tum leh ke pen tum, kal tawh in ni a, in ke pen fuh leh fuhloh in awmzia thui tak a nei dawn a ni a ti. Midang rawn thiam leh rawn hrehlo te'n hlawhtlinna kawng an zawh thin avangin mithiam zawkte rawn hrehlo turin thalai kalkhawmte a chah a ni.

Khuallian chuan in nunah thlen chin in neih tawh avangin puitlinna kawng in zawh mek zel a ni tih in hrereng chungin mahni nihna in pawm ngama in zahpui lo tura chahin training hun an hman te chu hmang thiama chhawr tangkai turin kalkhawmte a ngen a ni.

Entrepreneurship Development Programme-ah hian Pu Ronald Lalnunmawia Royte, Master Trainer chuan zirtirna a pe a ni.

Training kharna hun hi Pu Paul Rokima, DIPRO, Mamit chuan a telpui bawk.