Vawiin chawhnu dar 2 khan ASEP President Pu K.Lalmuansanga lehkhabu ziah "Nungchate Chanchin Vol.-II" chu Environment & Forest Minister Pu H.Rohluna'n a office chamber-ah a tlangzarh
Tlangzarhna thu sawiin Minister chuan Mizoram tan leh thangthar lo la awm zel turte tana tangkai tur Zorama Sava chi hrang hrang awmte chanchin chhiar theih tura tlangzarh ani chu lawmawm a tih thu a sawi a, khawvel nun changkang zelah nungchate hlutzia kan hrethiam telh telh a, tunhma ngaihtuah chuan sava veh thin pawh kan tlem tawh hle a ni a ti a, nungchate mit a kan hmu leh an thawm benga kan hre ringawt pawh hi a hlu a, Pathianin kan tana an hlutna a lo ruatsa hriat belh zel turin nungchate chanchin zirchian belh zel kan mamawh ani tiin helama tan la thar turin mithiamte a chah a, nungchate chanchin kan hriatchian poh leh humhalh duhna thinlung kan neih belh zel dawn ani a ti bawk.
Minister chuan nungcha humhalh chungchangah mipuite hnenah zirtirna (awareness) a awm tha tawka a hriat thu sawiin, a zawm tak hi kan harsat rih ani a ti a, naupangte aiin puitlingte hi nungcha humhalh chungchangah chuan ven ngai an ni zawka a hriat thu a sawi bawk. Mizoramah nungcha chi hrang tam tak an awm thu leh khawvel hmun danga awm ve lo nungchate pawh hmuhchhuah an ni mek zel hian a tihphur thu sawiin heng nungchate leh kan ramngawte hi kan humhalh that chuan hun lo kal zel turah khualzin (tourist) hipna leh sum hailuhna hnar pawimawh tak a la ni thei a ni a ti bawk.
Minister chuan mimal leh tlawmngai pawl hrang hrangten nungcha humhalh tura tan an laknaah lawmthu a sawi a, hna hautak tak anih avangin Department pakhat ringawt kuta engkim nghat ringawt lovin Sorkar hmalaknaah tanpuia thlawp tlat turin a sawm nghal a ni.
Lehkhabu tlangzarh inkhawm hi Pu James Thanghmingmawia, Executive Member, ASEP-in kaihruaiin Pu C. Lalengliana, IFS, DCF (WL) leh Pu Hmingthansanga, Vice President, ASEP ten thu an sawi bawk a ni.
He lehkhabu hi Rs. 70/- man niin Mizorama sava chi hrang hrang 76 chanchin colour-in a lem nen tarlan a ni.
Minister chuan nungcha humhalh chungchangah mipuite hnenah zirtirna (awareness) a awm tha tawka a hriat thu sawiin, a zawm tak hi kan harsat rih ani a ti a, naupangte aiin puitlingte hi nungcha humhalh chungchangah chuan ven ngai an ni zawka a hriat thu a sawi bawk. Mizoramah nungcha chi hrang tam tak an awm thu leh khawvel hmun danga awm ve lo nungchate pawh hmuhchhuah an ni mek zel hian a tihphur thu sawiin heng nungchate leh kan ramngawte hi kan humhalh that chuan hun lo kal zel turah khualzin (tourist) hipna leh sum hailuhna hnar pawimawh tak a la ni thei a ni a ti bawk.
Minister chuan mimal leh tlawmngai pawl hrang hrangten nungcha humhalh tura tan an laknaah lawmthu a sawi a, hna hautak tak anih avangin Department pakhat ringawt kuta engkim nghat ringawt lovin Sorkar hmalaknaah tanpuia thlawp tlat turin a sawm nghal a ni.
Lehkhabu tlangzarh inkhawm hi Pu James Thanghmingmawia, Executive Member, ASEP-in kaihruaiin Pu C. Lalengliana, IFS, DCF (WL) leh Pu Hmingthansanga, Vice President, ASEP ten thu an sawi bawk a ni.
He lehkhabu hi Rs. 70/- man niin Mizorama sava chi hrang hrang 76 chanchin colour-in a lem nen tarlan a ni.
