Vawiin Chhun Dar 1:00 khan Aizawl DFO Football Tournament Sihphir Vengthar a neih chu Final khelin tih tawp ani ta.
2nd Division chin tana he Football Tournament buatsaihah hian Team 44 an chhhuak a, tichuan, Final ah Ist MAP Vrs Sangchhingpuii Club, Sihphir Vengthar te intumin Ist MAP te chu 2-0 a chakin an Champion ta a ni. He Champion hian Lawmman ah Rs. 10,000/- leh Trophy mawi tak lain Runner up hian Rs. 5,000/- leh Trophy an dawng bawk a ni. Hei bakah hian Top Scorer, Best Player, Fair play Award, Best Goalie leh Semi Finalist lawmman siam a ni bawk. He Football Tournament hi Aizawl Forest Division in an buatsaih sak a ni.
He kharna hunah hian Khuallian Pu Lalthangliana Murray, DFO Aizawl chuan thusawiin tun hnaia Green Mizoram chungchanga mi tam takin rawtna an rawn siam chu lawmawm a tih thu leh a bik takin STAM ten sava tlan chi chauh thingphun tawh nise ti a an rawtna chu theih ang tawka tih puitlin an tum thu a sawi a. Chutih rual erawh chuan kumin Green Mizoram Programme chungchang sawiin thingtiak chi hrang hrang 45 sem chhuah leh phun a niin chung zinga a tam ber chu sava leh ramsa tlan chite an ni a, chungte chu Ngiau, Silver Oak, Tatkawng, Herhse, Vaube, Bottle Brush, Theiria, Bung, Hmawng, Rihnim, Chawmzil, Tlaizawng, Khuangthli, Khawkherh, Vautangbawk leh Lenhmui te an ni. Tin, thingphun dawn hian duhthusam ah chuan a tangkaina pakhat chauh nei aiin engemaw zat pawimawhna nei thingkung thlan hi tha zawka hriat a ni. Entirnan - Ngiau chu Zoram thing, hnah tla kawlh ngailo leh thingzai atana tha ber a nih laiin Kawlhawk, Vaki, Sazaw, Bullut, Vahrit leh Thehlei chi hrang hrangten an tlan em em a ni a ti a. Teak erawh chu Green Mizoram Programme ah sem chhuah ani lo hrim hrim tih sawiin thingphunte hi tu ta bik ni lovin keimahni theuh tan a ni tih hrerenga enkawl ho turin mipuite a sawm a ni.
He Tournament khelhna hmun Sihphir Play Ground hi Aizawl Forest Division in an siam sak a ni.
He kharna hunah hian Khuallian Pu Lalthangliana Murray, DFO Aizawl chuan thusawiin tun hnaia Green Mizoram chungchanga mi tam takin rawtna an rawn siam chu lawmawm a tih thu leh a bik takin STAM ten sava tlan chi chauh thingphun tawh nise ti a an rawtna chu theih ang tawka tih puitlin an tum thu a sawi a. Chutih rual erawh chuan kumin Green Mizoram Programme chungchang sawiin thingtiak chi hrang hrang 45 sem chhuah leh phun a niin chung zinga a tam ber chu sava leh ramsa tlan chite an ni a, chungte chu Ngiau, Silver Oak, Tatkawng, Herhse, Vaube, Bottle Brush, Theiria, Bung, Hmawng, Rihnim, Chawmzil, Tlaizawng, Khuangthli, Khawkherh, Vautangbawk leh Lenhmui te an ni. Tin, thingphun dawn hian duhthusam ah chuan a tangkaina pakhat chauh nei aiin engemaw zat pawimawhna nei thingkung thlan hi tha zawka hriat a ni. Entirnan - Ngiau chu Zoram thing, hnah tla kawlh ngailo leh thingzai atana tha ber a nih laiin Kawlhawk, Vaki, Sazaw, Bullut, Vahrit leh Thehlei chi hrang hrangten an tlan em em a ni a ti a. Teak erawh chu Green Mizoram Programme ah sem chhuah ani lo hrim hrim tih sawiin thingphunte hi tu ta bik ni lovin keimahni theuh tan a ni tih hrerenga enkawl ho turin mipuite a sawm a ni.
He Tournament khelhna hmun Sihphir Play Ground hi Aizawl Forest Division in an siam sak a ni.
