Vawiin khan AMFU General Headquarters leh KVK, Lengpui tangkawpin ‘Farmers Training for WADI(NABARD) Project Beneficiaries’ hun an hmang a. Heng Reiek, Ailawng, Rawpuichhip, Tuahzawl leh Lengpui khua a WADI, Project a thlan chhuah mi 113 an lo tel a ni.

Hawnna inkhawm hi Pu. P.L.Thanga, I.A.S (Rtd,), Member-Secretary, Mizoram State Planning Board chuan hmanpuiin loneitu taima leh rinawm te tan a hlawhtlinpui ngei tur Mizoram Sorkarin NLUP a kalpui mek a, phur tak leh taima taka mahni hmun theuha thawk turin loneitute a sawm a, ti tha peih lo chu ngaihsak zui an ni lovang a ti. Hawnna inkhawm hi Pu Lalhlawhliana, Vice President AMFU Hqr. in a kaihruai a, AMFU General Secretary Pu Zion Lalremruata’n report pe in, Pu R.K.Nithanga, Programme Co-ordinator, KVK, Lengpui in lawmthu sawiin a khar a ni.

Chawhnu lamah Serhuan enkawl dan zirin KVK a Subject Matter Specialist ten zirtirna an pe a ni.