Vawiin chawhma khan Environment, Forests & Climate Change Department-a officer te chuan PCCF Conference Hall, Tuikhuahtlangah review meeting an nei a. He hun hi EF&CC Minister Pu TJ Lalnuntluanga chuan a hmanpui a ni.
Environment & Forest Minister Pu TJ Lalnuntluanga chuan ngaihtuahna thar nena hmasawnna tur kawng thar ngaihtuah a pawimawh a. Tihdan pangai renga kal lovin Central a funding source hrang hrang te zir chiang a, budget pawn lam atanga hmasawnna tur sum hailuh dan kawng dap thin turin a chah a. Hnathawhna kawngah tanrual a tul thu te leh department hming mawi leh mawi loh pawh, mimal ni lovin a thawk te zawng zawng mawhphurhna a nih thu a sawi a ni.
Meeting hi Pu Ch.M. Rao, IFS, PCCF chuan a kaihruai a. He hunah hian Forest Division hrang hranga DFO ten powerpoint presentation hmangin an hmalakna kawnga hlawhtlinna leh harsatna an tawh dan te chungchangah report an pe a, hmalak zel an tur te an sawiho bawk a ni.All India Forest Sports meet neih zawh taka medal latute lawmpuina leh chawimawina hun pawh hman nghal a ni a. Gold medal latu mi 2 hnenah Rs 10,000(Singkhat) ve ve, silver medal latu mi 5 hnenah Rs 5,000 (Sangnga) theuh leh Bronze medal latu mi 1 hnenah Rs 3,000 (Sangthum) pek a ni. Vawiina Forest Officers’s Meeting hi Principal Secretary Pu Ajai Saxena, IFS pawhin a rawn uap a, naktukah Review Meeting hi chhunzawm leh a ni dawn a ni.
