88/2023-2024

Mamit 13th April, 2023 : Vawiin khan Mamit Constituency MLA leh Vice Chairman, Road & Infrastructure Development Board chuan a bial chhung khawthlang lam khaw hrang hranga hmasawnna hnathawh mekte leh hmalakna turte a hmunah a tlawh.

Bialtu MLA hian Teirei Forest khua-a Football Ground laih mekte, Tuipuibari khua a Football ground siam mekte, Community Hall sak tharte leh Tupuibari to West. Kawnpui Road, Phase-1 a hmunah a enfiah a. Kawng siam hna thawk mektu LT Construction-te chu chak taka hmalakna kalpui turin a chah a, Department lam hotute pawh theihtawpchhuah zel turin a ngen a ni.

Tuipuibari Community Hall-a vantlang inkhawm tawi buaitsaih-ah Bialtu MLA chuan thu sawiin Sorkarin harsatna hrang hrang kan tawk nasa em em a. Covid-19 hri lakah theihtawp kan chhuah tlang a, ei leh barah Sorkarin theihtawp a chhuah a. Khawtlang mipui, NGO, kohhran leh Sorkar thawhhona zarah harsatna karah kan dam chhuak hram a, chuti chung chunga Mizoram Sorkarin ram mipuite tana ei leh bar intodelhna kawnga a hmalakna-ah te, nitin khawsak kawngah leh hmasawnna ruhrel dinna kawnga a hna thawh hi a ropui takzet a ni a ti.

Hrileng hrang hrang bakah, ramri buaiin min nang a, Bangladesh leh Myanmar atanga kan unau raltlante lakah pawh Sorkar hmalakna bakah ram mipuite leh khawtlang hruaitute thawhhona zarah harsatna tawkloin kan awm thei a, hriatreng a nih tawh tur thu a sawi bawk. Ram hmasawnna turin Sorkar leh ram mipuite hian ram hmangaihna thinlung pu chunga kan thawh ho zel chuan ram hmasawn tak kan ni zel dawn a ni tiin mipui kalkhawmte chu sorkar tha tak siam ho turin a sawm bawk.

Bialtu MLA hi Pu Malsawmtluanga, Senior SDO, West. Phaileng Sub-Division chuan a tawiawm a. State level Biju Miloni a vawikhatna atana Rajivnagar khua-a buatsaihah khualzahawm niin hun a hmanpui nghal ang.