2055/2023-2024

Mamit Dt 29.9.2023 (Zirtawpni) : Tukin zing khan Er.H.Lalzirliana Mamit bialtu MLA chuan Lengpui CHC ah X-ray khawl & Table leh Ambulance hlanna hun a hmang.

Er. H. Lalzirliana chuan Lengpui CHC te'n X-Ray khawl leh Ambulance thar tha tak an neih ta chu a lawmpui thu a sawi a. Heng an neih theih na chu ama lo thawh tawh na thin HPCL Company te'n an CSR fund atanga an pek anih thu a sawi. Lengpui hi khaw pawimawh tak Airport awmna hmun rikrum leh chhiatna thlen palh a, dawl thei damdawiin awmna hmun in nih avangin Hospital tih hmasawnna tura theihtawpa ngaihtuahna a sen thu a sawi. Bialtu MLA chuan a hnathawhna hmasa M/s Hindustan Petroleum Corporation-te hnena mamawh a thlente an lo ngaih pawimawh sak thin avangin lawm thu a sawi a, Hospital mamawh mai ni lo zirna lamah pawh kawng hrang hrangin an tanpui thin a ni.

Mamit bialtu MLA hian Aizawl West huam chhuanga CHC-te inelna Kayakalp lawmman pahnihna an dawn lawmpuinan Lengpui CHC-te hi Rs. 10,000/- (singkhat) a pe bawk.

Tukin Lengpui CHC programme hi Dr.Judy Saipari Sailo (MO) in a kaihruai a ni.

Mamit bialtu MLA hian tukin vek khan Lengpui VC House-ah Lengpui khuaa mi eng emaw zatte tan an mamawh hrang hrang semna, Wheelchair, Bengdar, Puanthui khawl, Gas Connection thar, Pheikhawk siamna, zakdawh tiangte Lengpui VC house ah a nei bawk.