4062/2022-2023  

Aizawl the 31st March 2023 : Vawiin Ni.31.03.2023(Zirtawpni) hian Er. Lalrinawma Animal and Husbandry & Veterinary Minister chuan 39th Mizoram Veterinary Service Association (MVSA) Annual Conference chu khuallian niin hun a hman pui.

Er. Lalrinawma Minister chuan MVSA members kalkhawmte chu ram leh hnam hmasawnna tura an thawh rimnaah fakawm ati a, mahni hna theuh hi rinthlak leh belh chian dawla kan thawh chu hmasawnna tur atana apawimawh thu leh mahni mihring puite hlutna leh theihna chu kan hnathawhna kawngah hmuthiam tur leh kan eizawnna leh ram tana kan tih theih tawkah thahnem ngaitak leh midang tan malsawmna nizel turin a sawm thar leh ani.Mizoram Vety department-in india ramah hmasaber niturin The Mizoram licencing and regulation of Private veterinary hospital & clinic rules chu state dangte aiin pass hmasabertu an nih thu sawiin, hmasawn nasa leh hmala hmasatu annih thin chu lawm awm tiin, thawktute inpekna chu ropui ati hle a ni.MVSA member's kalkhawmte chu department hmalakna kawngah thurawn leh rawtna te inhrilh zel tur leh hma na hrang hrangah theitawp chhuaha thawhpui zel tura chah in an thawhpui mek na ah leh duhsakna thilpek anpek avangin lawmthu asawi bawk ani.

Pu Lalmuanpuia MLA SEDP Vice Chairman AH & Vety Board, He hunah Khualzahawm pawhin thusawiin Vety department thawktute inpekna thinna chu ropui tiin SEDP pawh an zarah hlawhtling taka kalpui theih a ni tih sawiin an inpekna chu fakawm tiin, mipui eizawnna leh intodelhna thleng anghawng ani tih hrereng chung a thawk zel tur in thawktute chu a sawm leh a ni.

Dr. Lalrinpuii Sailo  Director AH & Vety Dept. & Adviser MVSA in kalkhawmte lawmna  leh  Dept. hmalakna tlangpui sawiin Dr. Robert Rualthankhuma  Vice President in he hun hi  kaihruaiin Dr. R. Malsawma President in lawmthusawina a nei a, tunah hian MVSA members hi 85 an awm mek a, vawiin program hi Vety Rest House Selesih ah hun hman ani.