4061/2022-2023  

Aizawl, the 31st March 2023: High Strength Deformed Steel/Iron Rods quality tha lei tur a awm theih nan, Legal Metrology Department, Government of Mizoram chuan a hnuaia tarlan ang hian a thupek, Iron Rod leh Steel zuar ten an zawm ngei ngei tur, a chhuah.

ISI 1786:2008 (High Strength Deformed Steel Bars and Wires for Concrete Reinforcement- Specification) Section 6.1-a tarlan angin, Indian Standard-a High Strength Deformed Steel-te nominal size ruat chu 4 mm, 5mm, 6 mm, 8 mm, 10 mm, 12mm, 16 mm, 20 mm, 25 mm, 28 mm, 32 mm, 36 mm leh 40 mm chauh pek theih a ni a, size dang chu inremna siam a nih chauhin pek theih a ni.

BIS Act 2016 hnuaiah hian The High Strength Deformed Steel/Iron rods te hi Compulsory Certification pek an ni a, standard ang thlap hian BIS license neitu chuan a siam tur a ni.

Local market-ah hian standard bituk tling phak lo, buk zang zawk leh te zawk te a tam hle tih hmuhchhuah a ni. Customer te hian undersized iron bar an lei fo thin a, hei hian concrete structure chakna a tichhe thei a ni. Iron rod te hi, a buk tling tha anga chhalin a malin zawrh a ni fo thin tih pawh hriat a ni.

Tun achinah, Mizorama Iron bar hralh tur te chu BIS Standard size 4 mm, 5mm, 6 mm, 8 mm, 10mm, 12mm, 16 mm, 20 mm, 25 mm, 28 mm, 32 mm, 36 mm leh 40 mm a ni a. Iron rod te hi Legal Metrology Wing, FCS&CA Department-in a dik ngei tih a finfiah, Electronic Weighing Machine chauh hmanga a rih zawng buk hnua hralh tur a ni.

A chunga kan sawi ang size ni lo, iron rods dang customer-in a mamawh a nih chuan, chutiang chu customer leh BIS certified manufacturer inkara inremna siam a nih hnuah leh an pahnih hian an sign hnuah chauh siam leh supply theih a ni.

He hriattirna hi bawhchhiat a nih chuan BIS Act 2016 leh CrPC Act 1973  hnuaiah hremna lek a ni ang.He thupek hi hman tan nghal a ni.