1575/2023-2024

Nimin Dt.18.08.2023(Zirtawpni) khan Excise & Narcotic Department chuan an Minister Er. Lalrinawma hovin thlakhat chhung an hnathawhte thlir letna Minister room MINECO, Khatla-ah an nei.

Er. Lalrinawma Minister chuan ruihlo kan dona kawnga thawktute inpekna leh thawhrimna chu a taka hmuin fakawm a ti hle a, theihtawp kan chhuahna hian khawtlang leh  chhungkua ah ruihhlo avanga harsatna tawk mekte tan chhanchhuah hna nasa takin kan thawk a ni tih hre reng turin a sawm a ni. Minister hian ruihlo dona kawnga theihtawp chhuahpui thintu NGO-te chungah pawh lawmthu sawiin kan ram thenawm buaina avanga Mizoram lo pan te leh awm mekte pawh ruihhlo tawlhna kawnga inhnamhnawih lo tur leh ruihhlo dona kawngah thawktute tanpuitu ni zawk turin a sawm a, hmun hrang hranga 'District Level Ruihlo Do'  an neih dan tlangpui leh hmachhawp te sawiin thawktute harsatna leh an mamawh an thlente theihtawp chhuaha hmalak pui zel a ni ang, a ti bawk.

Pu Peter Zohmingthanga Asst. Commissioner Excise & Narcotic Department-in Mizoram district hrang hrang Excise & Narcotic thla khat chhung thil man leh thawh dan report pekna hun a nei a. Pu T. Lalramzauva Asst. Commissioner Excise & Narcotic Aizawl District chuan Aizawl District bik hmalak dan leh hnathawh dan tlangpui report pe in hmalak zelna tur atana hmachhawp a tarlang bawk a ni.

He hunah hian  Principal Secy - KT Beicho, Jt. Secretary Pi Malsawmdawngliani, Dy.Secy - Pu Lalthawmmawia, Under Secy - Pu C. Lalfakzuala, Pu Vanlalmalsawmdawngliana, Jt. Commissioner, Pu Z. Lalhmangaiha, Jt. Commissioner, Pu B. Zoliana, Dy.Commissioner, Pu R. Laldinsanga, Dy.Commissioner, Pu Peter Zohmingthanga, Asst.Commissioner, Pu T. Lalramzauva, Asst Commissioner, Pu H. Lalchhuanawma, Asst. Commissioner, Pu Ngurthanzama Sailo, Asst Commissioner-te an tel a ni.