1086/2023-2024

Aizawl the 10th July 2023 : Vawiin khan Excise Minister Er. Lalrinawma hovin a pisaah Excise & Narcotics Department official-te kum chanve Excise Department hmalakna leh hnathawh hrang hrang thlirletna hun neih a ni.

Minister Er. Lalrinawma chuan Ruihhlo Do chu mitinin an mawhphurhnaah an ngaih a tul thu sawiin ruihhlo dona kawngah hmalatu Excise & Narcotics Department, Police leh YMA-te hmalaknate lawmawm tiin heng hma la tute tawiawm tur hian mi zawng zawng a sawm a ni.

Kumin 2023 kum chanve (January atanga June thla) chhungin Excise & Narcotics department chuan zu leh ruihhlo thahnem tak a man a. Heng zu leh ruihhlo bakah helama inhnamhnawih, dan bawhchhiate man chhuahnaah hian Department hnathawkte mai bakah Central YMA hnuaia CADS te, Mizoram Police te, Para Military Force hrang hrang – Assam Rifles, Border Security Force, SIB te bakah tlawmngai pawl hrang hrangte thawhpuina tha tak neih a ni. Hengte avang hian Excise & Narcotics Minister chuan lawmthu a sawi a, hun lokal zel turah pawh Mizoram hi Ruihhlo awm lohna rama siam tura hma lakpui turin a sawm nghal a ni.

Kum chanve chhunga Excise & Narcotics Department-in zu leh a kaihhnawh hrang hrang Rs. 6,48 72,116.00 man hu leh ruihhlo dang Rs 10,37,02,726.00 man zet an man a ni.

Excise & Narcotics Minister hova Review Meeting hian District 3, Hnahthial, Saitual leh Khawzawla District Office hawn belh chungchangte, Sub-Inspector of Excise & Narcotics lak belh chungchangte leh Department mamawh hrang hrang neih belh dan yur an ngaihtuahho nghal a ni.

He hunah hian Principal Secretary K. T. Beicho , Commissioner Ngurchungnunga Sailo, Jt. Commissioner Vanlalmalsawmdawngliana,Jt. Commissioner Z. Lalhmangaia, Dy. Commissioner B. Zodinsanga, Dy. Commissioner R. Laldinsanga, Under Secretary C Lalfakzuala, Asst. Commissioner Peter Zohmingthanga, Asst. Commissioner T. Lalramzauva te an tel a ni.