1082/2023-2024

Aizawl, the 10th July 2023: Vawiin khan Er. Lalrinawma, Social Welfare & Tribal Affairs Minister hovin D.C. Conference Hall-ah Aizawl District Level Task Force on Ruihhlo Do hmalaknate thlirhona neih a ni. Meeting hi Dr. Lalhriatzuali Ralte, IAS, Aizawl D.C. chuan a kaihruai a, Prof. Malsawmliana, Member Secretary in Task Force hmalaknate a sawi.

Minister chuan District Task Force in ruihhlo dona kawnga hma tha tak an la chu lawmawm a tih thu sawiin mitin kan tanrual a pawimawh zia a sawi a. Ruihhlo do hi kan zavaia mawhphurhna a ni tih hre thar a, tan la sauh sauh a kan thangtharte fuihtu ni turin a chah a ni.

Aizawl District Level Task Force on Ruihhlo Do hmalakna thenkhatte chu : Village - Local Level Task Force on Ruihho Do hi Aizawl District huamchhunga khua leh vengtinah din vek tura hriattirna leh ngenna semchhuah vek a ni a, tunah hian veng/khua 38 ah din a ni tawh. Zirna In hrang hrang - School leh College ah te ruihhlo dona atana hmala tur tur Nodal Officer in ruat tura ngenna School Education leh Higher Technical Education Department ah siam a ni a. School Education Department chuan Nodal Officer 446 an ruat tawh. School leh College ah te ruihho do awareness campaign neih tura ruahman a ni a, MSD&RB in District tina Master Trainer te hi training an pek zawh ah programme hi tan beisei a ni.

Aizawl District atang hian Master Trainer tur mi 4 : 1) Pu Lalrindika, Field Staff, MSD&RB; 2) Dr. C. Lalramdina, State Quality Consultant, H&FW; 3) Pi Vanlalhruaii, Field Staff, MLD&RB leh 4) Pi R. Vanlalruati, School Education Deptt. te ruat an ni.

Committee hian August 1 hi Aizawl Distrcit bik atan “Ruihhlo Do Ni” atan a lo ruahman tawh a, vawiin committee hian he ni hman dan tur hi a rel nghal a ni.

Vawiin meeting ah hian Excise & Narcotics Deptt.; School Education Deptt.; I≺ H & FW; SW&TA; MJA; Central YMA leh MZP aiawhte an tel a ni.