1081/2023-2024

Aizawl, the 10th July 2023: Governor Dr Hari Babu Kambhampati chuan vawiin khan Khadi & Village Industries Commission (KVIC) hnuaia scheme hrang hrang kalpui a nih dan te KVIC hotute a sawipui a. He hunah hian KVIC hmalakna kalmek te chu chak zawka kalpui dan tur leh heng scheme hrang hrang te lo chhawr tangkaitu an pun zel dan tur te a sawi pui bawk.

Shri Ashish Modak, Deputy Director, KVIC State Office hnen atangin PowerPoint presentations kaltlangin Khadi Vikas Yojana(KVY), Prime Minister Employment generation Program(PMEGP), Gramogyog Vikas Yojana(GVY) leh SFURTU scheme hnuai hmalakna kalpui mek, hmasawnna leh hmachhawp te ngaihthlak a nih hnuah sawihona neih a ni a. He hunah hian Governor Dr Hari Babu Kambhampati chuan KVIC hnuaia hmalakna chu chakzawka kalpui a tul hle tih a sawi a. KVIC kaltlanga thingtlang mite tana eizawnna tur siamsak, sumdawnna tenau hmanga bul tan duh te tanpuina scheme leh a dang te chu mipui tam zawkin an la hre lo a. KVIC hotute chuan Media chakna an hmanthiam a ngai a ti. KVIC hotute chu an beneficiary te hnenah an hlawhtlin theihna tur trade thlanpui thin tur leh Mizorama hmanraw tam deuh behchhan industry te sawimawi thin turin thurawn a pe bawk a ni.

Sawrkar Bank  thenkhat Mizoram Rural Bank, SBI leh MCAB ten KVIC hnuaia scheme kalpui nan beneficiary te chhawmdawlna pawisa hlawm – margin money an pe chhuak tha nia a hriat thu a sawi a. Heti rual hian, Governor chuan Mizoramah Private Bank tam tak an lo lut a, sawrkar atangin sum hlawm lian pui pui deposit an dawng teuh a, sawrkar scheme pawimawh tak tak kalpuina atan pawisa an thehchhuak tha duh leh si lo chu thil dik a ni lo tiin private bank te pawhin tan la se a duh thu a sawi a ni.