1698/2023-2024

Aizawl, the 30th August 2023: State Level Working Committee in Ruihhlo Do chungchang inzirna kawng a District tin aiawh tur training a buatsaih 'Master Trainers Training on Ruihhlo Do chu vawiin khan Er.Lalrinawma, Minister Social Welfare & Tribal Affairs etc chuan State Veterinary Council Hall-ah hman pui.

Training hawnnaah hian SWD Minister chuan Ruihhlo avanga Mizoram-in harsatna kan tawh hrang hrang-te leh, ruihhlo la tilo te venhim a pawimawh zia leh venhimna kawnga hma lak zel a tul zia a sawi.

Ruihhlo do chu mit tin ten kan mawhphurna a ni tih kan hriat a ngai a ti a. Sawrkar leh NGO bakah mi thahnemngai te tanlakna chuan awm zia a nei tih sawiin theih tawp chhuah a tang zel turin a sawmna a siam.

Vawiin training ah hian District tinah atanga Master Trainer tura ruat mi pali (4) te chu lo telin, Master Trainer-te hian an mahni District huamchhunga zirna in (schools & colleges) leh Kohhran inkhawm hrang hrang (Sunday School, Naupang &Tleirawl Inkhawm, Thalai Inkhawm etc.) ah te Ruihhlo that lohzia an zirtir dawn a ni. Ruihhlo chungchang inzirtirna hi uluk taka kalpui tur niin ram pumah rualkhai taka zirtirna kan pek tlan theihna turin vawiin training hi buatsaih a ni.

Sawrkarin Ruihlo Do kawnga hmalakna a kaipui mekah hian Chief Minister kaihhruaina in State Level Core Committee on Ruihhlo Do chuan chak takin hma a la mek a. Hemi hnuaiah hian Working Committee on Ruihhlo Do chu Social Welfare & Tribal Affairs Minister chairman-na a kalpui a ni thung. District tina Deputy Commissioner Chairman-na hnuaiah an District huam chhungah hma lakna kalpui mek ni bawk.

Vawiin hunah hian Pi C.Zodinpuii, Joint Director SW & TA in a kaihruai a. Pi Lalhriatzuali Ralte, Director SW& TA leh Member Secretary, Working Committee On Ruihlo Do in kalkhawm te tan a hriattur tul leh pawimawh te a sawi a. He hunah hian Dr.Samuel Lalzarlawma Sailo, Superintendent, Sirus Women & Child Development, Dr Ruth Lalmuanpuii Psychiatrist leh Dr Lalremruati, Associate Professor Department of Psychology, Govt Aizawl West Collage te thuziak zir ho a ni.