1699/2023-2024

Aizawl, the 30th August 2023: India ram hun hrang hrangah tunlai hian Mitna hri a leng mek nia hriat a ni a. He hrileng laka mipui te kan lo fimkhur lawkna leh kan himmat Turin a hnuaia tarlan ang hian Health Department chuan thuchhuah a siam.

Health Advisory - Conjunctivitis (colloquially called as Eye Flu)

Tunlai in India ram State tam takah mit natna Conjunctivitis (mitsen rum) a leng nasa hle a, Mizoram ah pawh a rawn thleng ve ta a. Hei vang hian mipui kan lo hrilh hriat a inven leh inenkawl dan, tih tur leh tih loh tur kan hriat tur te chu -
Tih tur ( Mit tih thianghlim nan leh mit natna leng tur ven nan)
1. Mitthlawr hma leh mit ek inchar a awmin tui chhuanso lum pip pep in hruk tur.
2. Tui lum chhuanso a awm mai loh chuan tui thianghlim in tlak hman tur.
3. Mitthlawr hmain kut silfai thin tur.
4. Rawmawl thianghlim, tissue, towel fai hmang chauhin mittui hruk tur.
5. Pawn chhuah naah tarmit dum bun thin tur.
6. Kut silfai that tur.
7. Mit Doctor emaw Medical Officer hnenah inentir vat tur.

Tihloh tur
1. Tunlai antibiotics damdawi thenkhat Moxifloxacin leh Tobramycin te hi hman kher a ngai lo. Heng antibiotics damdawi hman nasat hian taksa ralveng khawl a tihniam a, nakin zelah mit vanga harsatna kan neih te enkawl hleih theih lohin a awmtir thei. Antibiotic hman nasat hi tunlai buaina thar niin damdawi hnathawh tur thawhtir theilo in thihna hial te pawh a thlen thei a ni.
2. Steroid mitthlawr hi a nazawng a hman loh tur. Steroid tenau deuh te pawh Doctor te leh Ophthalmologist/Medical Officer te thu lo chuan hman mai mai loh tur.
3. Damdawi dawr ah mitthlawr duh duh lei mai mai loh tur. Damdawiin hnai ber pan thin hmasak tur.
4. Mit nuai loh tur.
5. Lukham leh towel te chhungte nen inhmantawm loh tur, abikin naupang nen.
6. Naupang mit sen rem rum leh mittui tla reng a nih chuan sikul kai tir loh tur.
7. I mit a sen rem rum a nih chuan zinchhuah leh vantlang punkhawm naah kal loh tur.
8. Ramhnim damdawi leh thei tui te hman mai mai loh tur.