107/2023-2024

Mamit 14th April, 2023 : Er. Lalrinawma, Social Welfare & Tribal Affairs, Excise & Narcotics, Sericulture, Animal Husbandry & Veterinary Department changtu Minister chuan vawiin khan Damdiai khua-a State Level Boisu Festival, 2023 chu khuallian niin a hmanpui.

Khuallian Social Welfare & Tribal Affairs Minister chuan Boisu lawmna-a khuallian hial a ni thei chu lawmthu sawiin Social Welfare leh Tribal Affairs Minister a nihna ang pawhin a inhmeh hle-a a hriat thu a sawi a. Pathianin hnamtin te'n tihdanphung, lam leh zai dan te kan nei vek a. Heng kan hnam tihdanphung te hi zahpui lova hnam ziarang humhalha pholan zel a pawimawh thu a sawi. Tribal kan ni a, kan hnam ziarangte vawnnun zel chu kan tih tur anih thu sawiin Tribal Ministry pawhin hnam ziarang bo lova unau hlim taka chengho turin min duh a, tan a la mek bawk a ni a ti.

Kan ram ruihhloin a run nasat thu sawiin ruihhlo kan beih let a, kan fihlim theih nana kan do tlat a ngaih thu sawiin Mizoram Bru Art and Culture Organisation hruaitute an kalzelna turah duhsakna a hlan nghal bawk.

He hunah hian Shri Udit Prakash Rai, IAS, Commissioner & Secretary, SW&TA Department, Barjones Chorkhy, GS, MBACO Hqrs, Suryamani Reang, Abraham Bru, President, MBACO Gen.Hqrs, Elvis Chorkhy bakah Pu Zothanpuia, Damdiai VCP te'n thu an sawi bawk.

Kumin Boisu Festival thupui atan hian Lost of Culture is Lost of Identity tih hman niin he hunah hian Mamit District chhung khaw hrang hrang atangin Bru te kalkhawmin zai leh lam hmuhnawm tak tak ngaihthlak a thlirho a ni.

Minister hi Social Welfare & Tribal Affairs Department atangin Commissioner & Secretary, Director, AE leh JE bakah Officials dangte'n an tawiawm a ni.