106/2023-2024

Champhai, the 14th April, 2023: India ram hmun dangte rualin vawiin chawhma khan Champhai Fire Station-te chuan kum kal ta chhunga kang thelh pawl, kangṭhelhnaa nunna chante sunna ni Martyrs' Day an hmang a, Fire Safety Week an hmang chhunzawm nghal a ni.

Kum kalta chhung khan India ramah kangthelh pawl mi 3 te chuan kang thelha an chhuahnaah vanduaina tawkin nunna an chan a ni.

Hemi hnu hian kum tina an tih thin dan angin vawiin April 14 atanga ni April ni 20, 2023 chhunga kalpui tur Fire Service Week an hmang tan nghal a. Kangmei a chhuah thulha Fire Station biak pawh theihna sticker an sem chhuak a. Heng bakah hian Fire Service Week pual hian Champhai Fire Station-te chuan School thlan bikah Fire Safety Demonstration & Mock Drill neih an tum a, Hospital leh School thenkhatah Fire Safety Inspection an nei dawn bawk a ni.

Kumin Fire Service Week thupui hi 'Kangmei laka fimkhur nachang hriat hi ram hmasawn zelna atan a pawimawh/Awareness in Fire Safety for Growth of National Infrastructure (AGNI)' tih a ni.

Khua a sanga a lum chhoh leh mek avangin Champhai Fire Station Officer, Pu F.Lalchhandama chuan mipuite kangmei laka fimkhur theuh turin a ngen a; kangmei chhuah thulha Champhai Fire Station biakpawh theihna 03831-234026/7628029288 a nih thu a tarlang bawk.