105/2023-2024

Khawzawl, the 14th April, 2023: Khawzawl DRDO bultumin vawiin khan Chawngtlai leh Tualte khuaah PMKSY 2.0 chungchang inhrilhhriatna leh he scheme hnuaia ramngaw siam thar tura hmalakna kalzela Paulownia chin leh enkawl dan inhrilhhriatnate neih a ni. Inzirtirna hi Chawngtlaia Nikuala Hall-ah zing dar 7 ah neih niin, Tualte-ah chuan chawhma dar 11 ah Vanhnuailiana Hall-ah neih a ni.

He hunah hian Khuallian Pu Lalfakzuala, Project Director, DRDO Khawzawl chuan chawpchilh taka traning buatsaih a ni chunga a tel turte kim taka an tel thei chu lawmawm a tih thu a sawi a. PMKSY hi tunhmaa IWDP/IWMP tia sawi thin kha a nih thu leh a hming thlak a ni tih sawiin, Chawngtlai leh Tualte chu project pakhat hnuaiah a awm a, project chungchang Watershed Area huamchhunga khawtlang hruaitute leh User-te'n an hriatchian a ngai a ni, a ti bawk.

Vawiin hun hmanah hian Pu H.Zahmingliana, A.E, DRDO Khawzawlin PMKSY 2.0 chungchang sawifiahin, Pu H.Lalnunsanga, SMS, DWCDC in hemi hnuaia hnathawh theih hrang hrangte a tarlang a. Pu C.Ramhmangaia, Chairman, Northeast Paulownia Society-in Paulownia thing chin leh enkawl dante a sawi a. Zawhna leh chhanna hunte hmanho nghal a ni.