1703/2023-2024

Aizawl the 30th August, 2023: Vawiin chawhnu dar 1:00 Pm khan Er. Lalrinawma Social Welfare Minister hovin Working Committee On Ruihlo Do in hmalakna a kalpui tawh dan leh hmachhawp te sawi hona hun SAD Conference Hall, MINECO-ah neih a ni.

Minister Er. Lalrinawma chuan kan ram chu thenawm ram buai avangin tunhma aia ruihhlo in min chenchilh bakah ruihhlo tawlhna kawng a ni chu pawi a tih thu sawi a. Hemi kawngh hian hnamdangte'n Mizote hmanrua min hmang hi a vanduaithlak a. Mipuite'n hei hi kan hmelma lian tak a ni tih kan hriat thara mahni hlawkna leh hausakna tur chauh ngaihtuah lova, ruihhlo chu kan ram hmelma a ni tih kan hriata huaisen taka kan do tlan a hun tak zet a ti.

Ruihlo do kawnga tha thlah lova thawk thin tute, a bikin YMA leh Sawrkar Department lama thawkte chu fakawm tiin tuna theihtawp kan chhuahna hian rahtha a chhuah zel dawn a ni a ti. Mipuite pawh ruihhlo manna kawngah thuhretu nih hreh lo turin leh thawktute puitu ni zel turin a sawm thar leh bawk a ni.

Dr LalhriatzualiDirector SW& TA, Secretary Working Committee On Ruihlo Do hnen atangin District pariata hmalakna neih pui tawh a nih dan leh hun hman dante report ngaihthlak niin Sawrkar, NGO leh Kohhran thawh ho dante leh mi thahnem ngaite thawhrimna chu fakawm tiin hmachhawp hrang hrang kan neihah pawh theihtawp kan chhuah tlan zel chuan kan ramin hma kan sawn ngei a rin thu a sawi a ni.

He huna members kalkhawmte chuan an pawl leh Department hmalakna leh hmachhawp nei mekte sawiin hmalak leh zel dan turah rawtna te an sawi hova, vawiin meeting-ah hian Commissioner E&D, Joint Director, Food &  Administration, SP(Crime), Mizoram State AIDS Controlled Society, Mizoram Defence & Rehabilitation Board, Mizoram Journalist Association, CYMA, MZP aiawhte an tel a ni.