1704/2023-2024

Aizawl, the 30th August 2023: Vawiin khan Chief Wildlife Warden Conference Hall-ah Pu TJ Lalnuntluanga, EF&CC Minister chuan khawpui boruak (Urban Forest) tih thatna tur scheme Nagar Van Project hmun 14 - Mizoram District hrang hrang leh Autonomous District Council 3 tan lungphum a phum.

Hemi rual hian heng lehkhabu 3 – The Golden Years of Mizoram Forest, Lungkulh Biodiversity Hotspot leh Photo Documentation of Murlen National Park a tlangzarh nghal a ni.

Pu TJ Lalnuntluanga chuan Green India Mission, Mizoram puma kalpui a nih theihna tura hmalakna te a sawi a, JICA funded project Biodiversity Conservation and Forest Enrichment project atana chak taka hmalak mek a nih thu sawiin,he project hian kan ramngaw te bakah kantuihna te a siam tharin, kan tuchhuan te tan boruak tha leh ramngaw a siam tha dawn a ni a ti a. Forest Department-a officer leh staff te chu nasa zawka tan la tur leh ngaihtuahna thar hmang zel turin a fuih a ni.

Minister chuan Forest Conservation Amendment Act chungchangah EF&CC Department, Mizoram chuan a ngaihdan leh a duh lohna chhan hrang hrangte hun tiam chhungin Ministry-ah a tih a sawi a. He ti chunga Lok Sabha-ah pass anih tho chu pawi a tih thu a sawi a, he thil hi State Legislative Assembly chuan duh lo tih lantirin Resolution a pass tih a sawi.