79/2023-2024

Aizawl, 11th April, 2023 : Social Welfare & Tribal Affairs Minister Er. Lalrinawma chuan vawiin khan Kelsih-a, Tribal Research Institute leh Ropuiliani Freedom Fighter Museum sak mek endikin, Sumsuih leh Tuirial inkar kawng siam mek chu a hmun a tlawhin a endik bawk.

Er. Lalrinawma chuan heng hmun hrang hrang a tlawhnaah hian amah lo dawngsawngtute hnenah thuchah sawiin kan hnathawh te hi ram tana kan tih theih tawk a ni tih hre renga tha tak leh uluk taka thawk zel turin a hrilh a, hmasawnna tur atana ruahhmanna leh rawtna chu khawtlang hruaitute leh department leh thawktute nen tha taka sawiho hmasak hian rah tha a chhuah thin thu a sawi bawk a ni. Ram rotling siam hi midang tih tur a ni bik lo a, mimal tinin kan tih theih a ni tih hre nawn theuh turin a chah bawk. Vantlang thilte mahni ta ang taka enkawl thiam a pawimawh thu sawiin neitu rilru kan put a pawimawh hle a ni, a ti.

Sumsuih to Tuirial kawng chhun leh Kelsih a hnathawhte hi India ram danpui (constitution) Article 275 hnuaia thawh mek niin min ister hian chipchiar takin an hnathawh dante hi a en a ni.

Minister hi Aizawl South-III Bialtu MLA Prof. F. Lalnunmawia, Vice Chairman Horticulture Development Board nib awk leh Pi Zodingpuii IAS, Director Social Welfare & Tribal Affairs Dept. C. Zodinpuii Jt. Director Social Welfare & Tribal Affairs Dept. Pu Lalthankima AE Social & Tribal Affairs Dept. Josph Vanlalruata JE Social Welfare & Tribal Affairs Dept. leh Sumsuih khawtlang hruaituten an tawiawm a ni.