1733/2022-2023

Dated Serchhip, the 27^th August, 2022: Vawiin khan Er. Lalrinawma, Dy. Speaker chuan Malsawm Suzuki bultuma buatsaih Chhiahtlang Local Football Tournament  kharna a hmanpui.

A kharna inkhawmah Er. Lalrinawma Dy. Speaker leh Tuikum Bialtu MLA ni bawk chuan, hun rei tak Chhiahtlang khawtlangin khelmual tha neih tumin kan bei a, vawiinah khelmual tharah ngei Football Tournament duhawm tak buatsaih a lo ni thei ta hi a lawmawm hle a ni.  Infiammite tana hmunhma tha buatsaih sak zel hi sawrkarin a thiltum lian tak pakhat a ni a, kan thalaiten infiamna ngaihlu deuh deuh se, taksa leh rilru hrisel zawk neiin, nunkawng thalo laka inthiarfihlim zel nan te hmang se kan duh a ni. Tin, Infiamna huang hrang hrangah eizawn theihna a awm tawh avangin theihtawp chhuaha beitute tan chuan kawng zau takin a inhawng tawh a, thalaite hmalam hun hi a eng hle ni tih te i hrereng ang u, a ti a Playground thara inelna hmasa ber buatsaih a nih theih nana beitu, Chhiahtlang mipuite, Sponsor-tute, NGO's leh Football clup hrang hrang inpekna ah lawmthu sawiin hmalam pan zel tum tlat turin a chah bawk.

He hunah hian Pu C. Lalmalsawma Main sponsor leh Pu C. Laltlankima, President Chhiahtlang Football Association te pawhin thusawina hun an hmang a ni.

He hun hi Pu Lalremruatkima Colney Chhiahtlang Football Association Vice President in a kaihruai a ni.